La Vera es la Comarca mas fragosa de toa Estremaúra, pola su sitación i cussus d’augua. Ena nuestra comarca tenemus una tupa de sitius d’enterés que poemus vesital, comu el Monesteriu de Yusti, ondi vinu l’emperaol Carlus V a echal el tiempu acaberu dela su vida; los 5 puebrus decraraus Conjuntu Estóricu-Artísticu (Valverdi, Villanueva, Passarón, Garganta la Olla i Quacus de Yusti) i, de contau, no se mos puei passal la naturaleza que mos arroea, conos sus montis imponentis i las sus 47 gargantas/gargüeras naturalis, con auguas abondantis i cristalinas, enas que poemus passileal i echal-mus un raneón en el branu.
Dendi los nuestrus apartamientus tamién poemus vesital el Valli de Xerti, el Parqui Nacional de Monfragüi, i lugaris tan emportantis comu Caçris, Prasencia, Trugillu, Gualupi i Méria.
La Vera está assitiá pal norti-salienti dela provincia de Caçris, dentri la sierra de Greus i el ríu Tieta. I pa muchus (de)los viajaoris que mos vesitan s’envierti en unu delos sus sitius favorecíus, assin es que paquí se dizi… ALA VERA SE GÜELVI SIEMPRI!!
GARGANTAS/GARGÜERAS NATURALIS
Estamus arroeaus dun ambienti espetaculal ondi poemus desfrutal dun raneón en el hondón dela naturaleza i, comu un retratu vali más que 1000 palabras… Echa una guipaína alas retrataúras!
