Esti monicipiu veratu guarda unu delos paisagis más ricus dela provincia, ofreci vistas espetacularis de tola comarca. La su arquitetura puebrera bien conservá, el su encravi natural o l’encantu delas sus gentis hazin d’esti, un destinu ideal pa desfrutal dunas vagacionis d’insueñu, te cuentamus más:
El puebru está ahuchau enas costanas dela Sierra del Losal, es el monicipiu que está mas altu de tola Comarca dela Vera, i mantieni una tradición d’apreparal unu delos destilaus mas anombraus: el licol de groria del Guiju.
No te pueis dil del Guiju sin vesital la parti mas antigua i que se conserva mejol, que encruyi la calli Viriatu, la Chorrerilla o el Rincón, ni menumentus comu la Praça de Torus, l’Ilesia , la Era, el Lavaeru, tolas huentis, el miraol del Collaíllu i el dela Serraílla.
Mos perguntas al aportal i t’ayuamus eno que sea mestel.
